施心畢老撾餐廳

营业中

休息中

舖头系楼上舖，我两点半到，所似好似唔系好旺场，侍应好有心，落场食紧饭都帮我哋落单。环境装修好似差少少，但胜在佢价钱好抵食。*冇影到汤粉，但佢好正，啲粉韧韧地，又有米香，汤底好浓又冇咩味精感觉。*虾米青木瓜沙律 $68好爽口嘅沙律，味道酸酸甜甜，以酸为主，好开胃，有虾米，又有番茄仔，仲有啲生四季豆，应该系传统嘅做法。白咖哩鸡肉见求 $78白咖哩一啲都唔辣，完全唔似咖哩味，鸡脾肉好滑，冇雪藏鸡味，有几条薯条，新鲜炸起热辣辣，又脆卜卜，红米饭健康又热辣辣，仲有啲菜，真心健康又好食，喺其他菜式比较之下，比较普通。是拉差牛油酱鸡翼 $48我见系openrice热门，立即叫嚟食，单骨鸡翼，超级方便食，炸到脆脆dik，入面鸡肉唔会好干，是拉差唔系好辣，啱啱好嘅辣度，牛油酱其实应该唔系牛油，冇乜牛油香味。丰盛拼盘 $88米纸卷好正，啲菜脆，加埋扎肉(?)，好有春天嘅味道，其他炸物食唔出咩味咩馅，优胜之处系够脆，下次我会净系叫米纸卷。