CHIMAC (天星碼頭)

营业中

休息中

好少搭天星小轮，今次系同朋友一齐，佢话好耐冇搭不如一齐搭小轮过海，咁喺中环7号码头就被一个好特别嘅招牌吸引住，有炸鸡㖞，就咁食埋鸡先过海啰，呢个就系就脚的好处。朋友超钟意食炸鸡，如果唔系就唔会停低啰，咁就嗌咗个葱蒜豉油鸡，就咁睇有少少偏黑，但面上有啲绿色生葱伴碟，都几靓吓，而且食落真系超好味，当然仲有海景伴碟更是吸引，远处西九的故宫，近处渡轮出出入入，都为美食增添姿色。平时食嘅炸鸡都比较干争争但系呢个就湿湿地所以我哋都好钟意，除咗豉油味仲甜甜地应该加咗啲糖或者系蜜糖腌过，食极都仲有，食极也唔厌。另外嗌咗一份洋葱芝士味炸鸡腿肉，呢个嘅好处就系唔需要𦧲骨，啱晒啲懒人。可乐和啤酒都系食炸鸡的绝配，今次冇嗌啤酒，点咗乐天嘅忌廉鲜奶代替，亦都几好。