興中會 (已結業)

今晚朋友约食饭，依间餐厅位于中环嘅苏豪区，餐厅嘅性质都几特别，系一间食中式点心为主嘅酒吧。原来点心都几受外国人欢迎，入到铺头入边几台客人都系西人为主。餐厅嘅灯光较为暗，环境都几浪漫。是日中汤— 餐厅标榜呢个汤唔落味精，一于叫黎试吓。𠮶日嘅汤系罗汉果西洋菜汤，绝对饮得出系慢火煲出嚟嘅老火汤，一定要叫。各式点心— 点心嘅水准高于出边茶楼，烧卖劲大粒，用上新鲜猪肉同虾肉制成，抵食！春卷系即炸，肠粉亦都系即刻煎，配上XO酱，谂起都回味。鲜鸡云耳荷叶饭— 餐厅亦都提供唔同嘅饭里，我哋就冇选择到炒饭，拣咗依个传统嘅荷叶饭。鸡件鲜味十足，配上云耳同埋荷叶嘅香，成个饭都好好食。有时去开呢一区，通常都系食西餐或者酒吧嘅嘢食，有依啲特别啲新派啲嘅餐厅，都系一个唔错嘅选择。