中環茶記 (已結業)

中环茶记-本土特色茶餐厅对于香港人黎讲绝对唔陌生，集快餐店同餐厅于一身，提供香港特色既西式餐饮。「中环茶记」一间充满香港特色既茶餐厅，对于喜欢怀旧既我，绝对要试下。未入餐厅，已经俾霓虹灯招牌吸引住。中环茶记绝对系非一般既茶餐厅，服务员非常有礼貌，入门既时候不断提醒我有一级楼梯，又会主动介绍餐厅特色既食品。🐻西多士 $32西多士好厚身，外层炸到金黄色，中间仲放上大大块牛油，未食已经觉得满足，西多士外脆内软，搽上糖浆同炼奶又系另一番味道。🐻沙爹牛肉菠萝包 $34菠萝包有我块脸咁大个，里面放咗满满既沙爹牛肉，菠萝包面层略嫌较厚，但包非常有质感，绝对唔系空气包。🐻煎美国牛扒拼深海鱼柳 $138铁板扒餐有三款酱汁可以选择，包括蒜茸汁、黑椒汁同烧汁，鱼柳轻微煎过两边，入口冇雪藏味之余亦都唔散，至于牛扒唔韧亦有牛味。🐻咖喱鸡球葱油饼 $62「中环茶记」既咖喱真心一流，用上纯椰浆加入印度香料，唔加一滴水制作，味道香浓有层次。葱油饼同咖喱系绝配，但得三块真心唔够喉。🐻怀旧雪兔 $30听个名完全联想唔到系咩，原来系杂果宾治加上彩色棉花糖，再混合蝶豆花，成杯野好梦幻。