Uncle Pizza, Pasta & Grill (已結業)

🐻中环办工一员🐻👩🏽又出动，今日同朋友食lunch,我哋个个星期唔系食米线就系小雨天,食到已经好闷🤣,今日决定搞搞新意思,一间唔多人又唔太贵嘅舖头试吓,朋友话呢排真系好想食pizza,咁我就揾揾😂🐻因为两条友又食唔到太大嘅pizza所以就揾咗呢间Uncle pizza ，贪佢可以嗌个细size八吋两条友食，餐厅唔算好大，但都坐得好舒服🍕🐻我哋叫咗带子龙虾扁意粉同情迷卡邦尼pizza，其实一上菜我同朋友都知道呢间嘢唔错了，果然味道都系比我哋预期中好好多，意粉酱汁挂到啱啱好，意粉亦都好弹牙，𠮶三粒带子都系超好味，啱啱好熟！🐻Pizza方面就唔使讲啦，个皮超脆又薄，上面嘅馅都好够味，唔会cheese多到漏得滞又或者唔够,真系俾我预期中好味好多，有时啲Pizza唔够味，搞到我都唔想食咋，呢个绝对唔会，惹味得来又唔会过咸🍕🐻有时我好怕试新嘢，因为食咗冇咗quota就会好唔开心，估唔到今次揾新嘢食都冇中伏👻