影片
更多
2021-10-16
139 浏览
今日去完大馆之后，就去咗人来人往嘅苏豪区觅食😋 路过见到呢间店名好特别，叫热菇哟，即系日文 i ku yo 「let’s go」咁解！基于本人系日文有限公司，唔太清楚ikuyo仲有无其他意思呢⋯🙊餐厅唔算大，放到六张枱👀 店内装修都好有日本居酒屋feel，呢度其中一面墙系贴满清酒label，好壮观😎 餐厅有提供多款时令清酒，店主更加系唎酒师，好适合带朋友过嚟饮吓清酒食吓串烧🍶呢度主打串烧同日式料理，店员介绍话佢哋啲鸡肉都系选用鹿儿岛萨摩赤鸡；唔少海鲜都系即日喺街市采购，保证新鲜🐟 ❤️ 炸鸡软骨 $58即叫即炸，一上枱香气十足 ！外层炸到金黄酥脆唔油腻，撒上七味粉少少辛辣好惹味，好快就清哂🤣❤️ 玉子烧 $88呢个最有惊喜💕 佢系偏甜嘅玉子烧但又唔会过甜，熟度啱啱好有少少湿润，口感绵密松软，仲渗出淡淡木鱼味！可以配白萝卜蓉食。睇店主之前介绍，店主形容呢个系初恋味道玉子烧，哦～原来店主初恋系甜丝丝，啖啖幸福滋味😏 了解！(日本tone)❤️ 烧饭团 (柚子味噌&樱花虾) 各$38饭团烧至外脆内软，外层焦香脆身，内里饭粒烟韧。平时比较少见柚子味噌烧饭团，呢款味噌无想像中咸，带迷人柚子果香，味道清
餐厅唔算大，放到六张枱👀 店内装修都好有日本居酒屋feel，呢度其中一面墙系贴满清酒label，好壮观😎
餐厅有提供多款时令清酒，店主更加系唎酒师，好适合带朋友过嚟饮吓清酒食吓串烧🍶
呢度主打串烧同日式料理，店员介绍话佢哋啲鸡肉都系选用鹿儿岛萨摩赤鸡；唔少海鲜都系即日喺街市采购，保证新鲜🐟
❤️ 炸鸡软骨 $58
即叫即炸，一上枱香气十足 ！外层炸到金黄酥脆唔油腻，撒上七味粉少少辛辣好惹味，好快就清哂🤣❤️ 玉子烧 $88
呢个最有惊喜💕 佢系偏甜嘅玉子烧但又唔会过甜，熟度啱啱好有少少湿润，口感绵密松软，仲渗出淡淡木鱼味！可以配白萝卜蓉食。睇店主之前介绍，店主形容呢个系初恋味道玉子烧，哦～原来店主初恋系甜丝丝，啖啖幸福滋味😏 了解！(日本tone)❤️ 烧饭团 (柚子味噌&樱花虾) 各$38
饭团烧至外脆内软，外层焦香脆身，内里饭粒烟韧。平时比较少见柚子味噌烧饭团，呢款味噌无想像中咸，带迷人柚子果香，味道清新🌱 樱花虾烧饭团加咗酱油调味，食落咸咸香香，我个人就钟意柚子味噌味多啲😝
❤️ 串烧
☞︎ 盐烧活白鳝 $78白鳝好厚肉，肉质结实有弹性😛 火候控制得宜，皮脆之余又锁住肉汁！
☞︎ A5和牛粒 $58
和牛粒未去到入口即溶，佢系属于有咬口嘅和牛，牛味香浓😙
☞︎ 牛舌 $58
牛舌都算厚身，肉质较为软腍，表面有少少焦脆，都唔错👌🏻
❤️ 烧鲭鱼 $88
挤完柠檬汁再配酱油食👀 盐烧鲭鱼简单美味，虽有少量鱼骨，但表面金黄烧得滑唔干，鱼皮系脆！淋上柠檬汁更滋味🍋餐厅推荐度：⭐️⭐️⭐️⭐️ (4/5)
质素唔错，店员服务亦都好亲切👍🏻 去苏豪区唔一定去食西餐去bar嘅💁🏻♀️ 特别推荐佢哋个初恋味道玉子烧🥚 Oishi！
张贴
