Feast Oyster Bar and Restaurant (已結業)

去完中环街市参加活动，走嘅时候已经系晚餐时间，所以就喺附近揾间餐厅食。一离开中环街市，过条马路，就见到呢一间餐厅做紧蚝嘅推广。$168 有六只蚝，仲要包两杯白酒；$298 有12只蚝加一支白酒。见价钱都吸引，所以我哋就无再四围行，入去试一试。 今晚蚝优惠做嘅蚝款系真牡蛎， size都几大， 入口系creamy， after taste有少少甜。 配衬来自智利，没有经过木桶处理的chardonnay， 感觉都几夹。 话咁快食完一打生蚝， 我哋两个都被出面嘅蚝摆设吸引了， 好奇心驱使下便问职员有没有推介。 职员再介绍我们来自韩国的Jokomi，说是全香港独有，而且已经是季尾。今日唔食，就要等下年先再有机会。 讲到咁，梗系唔输蚀，一人点返只试。 口感比较Crispy，海水味重， 虽然蚝的Size看似好细，但好丰满， 只蚝彷佛要破壳而出。 职员的确没有介绍错。