亞答屋

营业中

休息中

餐厅：Attap地点：中环街市菜式：新加坡菜餐牌：平日下午茶餐牌有9款选择，有饭有沙律有肉有小食亚答慢煮猪手饭配苏东鱼丸鸡汤 $68亚答慢煮猪手茶餐份量都好多肉食，已经切到细细件好易食。猪手块皮超弹牙，脂肪唔算多，肉质我都觉得好嫩，而且味道入味，好正！配有一细兜酸辣汁，点黎食更惹味！猪手伴有糖心蛋半只同咸菜。饭系鸡油饭，偏干身，又香又好食。苏东鱼丸鸡汤有两粒鱼蛋，仲有脆口八爪鱼粒，撒上葱花，个汤都好清。海南鸡饭配苏东鱼丸鸡汤 $72海南鸡有鸡脾有鸡胸肉有鸡翼，鸡皮好薄，都好多肉食，质感唔错，都好嫩口。跟有三色酱汁，包括甜豉油，辣酱同姜蓉，令鸡肉更好味道！伴有几片青瓜。配有同亚答慢煮猪手饭一样既鸡油饭同苏东鱼丸鸡汤。酸辣凤爪 $62酸辣凤爪 用纸兜上，下底垫底有好多去骨凤爪，好爽脆，味道多酸少辣。面头加上红萝卜丝，生菜丝，西芹丝，洋葱丝，伴有两粒车厘茄切半，味道清爽唔太重口味，唔算太辣。卤肉A菜 $38另外去隔离久久加个卤肉A菜。卤肉A菜系油墨菜上面加好多卤肉。油墨菜份量足，卤肉份星多，又嫩又够味！上菜好快，中环食lunch人士可以考虑试试。下午茶特别抵食。