一點心 (擺花街)

营业中

休息中

今日去了中上环一带行街，途经摆花街，见到有间新开的点心外卖专门店，张灯结彩。见佢门面干净企理，标榜住食物是由中环制造的，叫咗啲外卖打包。店员态度殷勤，送餐速度快，听他说隔离有自设厂房，所以点心每日都由师傅手工新鲜制作。鲜虾饺果然皮薄馅靓，虾大只爽口。虾饺皮唔会黐牙。蟹皇蒸烧卖超巨型，除咗有虾猪肉仲有蟹籽。鲜虾滑肠粉共有三条，每条有两只大虾，肠粉皮不过不失，虽然未做到晶莹剔透。已算合格。鲜虾腐皮卷包装见心思，用铝膜袋包好，尽量保温，腐皮卷如果唔系即刻食当然冇咁香脆，不过材料实在丰富，除咗有虾，猪肉，仲有菜、西芹做馅料。叉烧焗餐包餐包做到好松化，外面甜甜的里面咸咸的感觉唔错，叉烧馅料啱啱好不多不少。咖喱鱿鱼不过不失，不算太淋身，有少少赵口。怀旧鸡包仔出边比较少食到，除咗鸡肉，仲有啲姜葱和少许菜，真系有怀旧的味道。香芒奶皇卷食返个甜品，芒果香浓而且新鲜，外面的皮好烟韧，加咗少许椰丝好香口，两样夹杂着一起吃十分不错。