Sodam Chicken (已結業)

放假同老公再次出动觅食，上次Sodam Chicken铜锣湾食得好滋味，今次同老公去另一中环分店食韩鸡！Sodam Chicken中环店好近地铁站，沿云咸街上斜五分钟就到。店舖楼高两层，装潢设计成酒吧格局，餐桌用左吧台高脚椅，甚有格调。今次拣咗个2人滋味套餐，再加多份番茄沙律、炸紫菜卷并洋葱圈。先讲番饮品，青苹果同热情果特饮，都有添加少量梳打水，配上一串橡皮软糖，点缀左特饮嘅色彩。黄金咸蛋炸鸡：咸蛋黄酱黏住鸡块外层，炸得金黄香脆，内里鸡肉嫩滑，同时加左少量芝士脆片做伴碟，大大增强口感。至于蜜糖及芥末酱混合做炸鸡酱汁更加系绝配，甜甜地又带有点微辣，值得推荐！紫菜薯条：薯条系用上原只薯仔制成，薯条外脆内软，表面洒上大量紫菜碎，真系食到唔停口!水冷面：面件爽口弹牙，以泡菜、青瓜丝及鸡蛋作伴菜，充满田园风味，亦有助消除炸物嘅油腻感！炸紫菜卷并洋葱圈：脆卜卜嘅炸洋葱或炸紫菜配烟靭嘅粉丝，再加上韩式辣酱，真系好惹味番茄沙律：简单而清新的头盘，令人食欲大增。如吃过炸鸡后再食番茄沙律，亦可减去油腻感。