JUICY Fresh Juice Bar (已結業)

前阵子跟朋友去离岛玩，经过香港站，发现呢度开咗韩国过江龙果汁店Juicy Fresh Juice Bar！呢间店我在韩国旅行时，都有买过嚟饮，我几钟意佢哋嘅果汁，全都即叫即榨，够晒新鲜！睇到佢嘅造型，初初以为实好甜腻，点知饮上口，呢杯反而最唔甜！我本身饮废水都要微糖，呢度嘅草莓拿铁对我嚟讲啱啱好，所以好甜嘅人可能会觉得唔够喉，记得主动要求多糖哦！草莓拿铁底层系明治牛奶，中间系由草莓、果糖及盐打成，顶部则系忌廉及鲜草莓，口感好丰富～饮上口唔会好似出面嘅草莓特饮，有啲好假嘅果糖味，而系啖啖果肉，有股清新嘅草莓香，整体嚟讲都唔错。天气热，真系好想饮酸甜嘢去解腻，所以拣咗呢款🙈同埋佢一半芒果沙冰，一半草莓沙冰，个造型都几吸引～哈哈～饮管桔到落底，先会试到芒果沙冰，呢层较甜，芒果味好浓，劲清新！然后饮饮下，开始系较酸嘅草莓沙冰层，两只味撞埋一齐，酸酸甜甜，消暑度一流！不过可能芒果味浓，去到最后反而饮唔太出草莓味～P.S. 佢哋嘅果汁系即叫即制，等嘅时间会耐啲～今次我就等咗约15分钟～赶时间嘅朋友要注意～