蔡瀾越南粉 (已結業)

星期日嘅中环系冇乜人，加上我十二点已经嚟到，所以就走咗去试下一间平时要排队食嘅餐厅。呢间餐厅有蔡澜个名加持， 所以平时晏昼都排晒长龙。今日唔使等位直接入去，仲可以拣位坐。第一次嚟，理所当然嗌咗生牛肉河粉，另外加多个炸虾饼。越南粉唔洗几分钟就送到。饮饮个汤先，同平时食嘅冇太大分别，都算几甜，再试下个牛肉 ，都唔会太靭，口感唔错，食得出系靓牛。再试下个虾饼，相对地就普通咗啲啦。讲番个价钱，生牛肉河88蚊，炸虾饼78蚊，中环嚟讲算正常价钱。值得一提嘅系，佢个河粉系无限添加嘅，我都嗌多咗一份。对大食嘅人嚟讲系一个唔错嘅选择。