竹源越南餐廳 (已結業)

今日轮到我提议去边度食，想食越南野，但又唔想去明珠，上o黎seach下揾到呢间。地方唔大，好彩早少少，过了一点后几多人等位。好多选择，有d款式系其他越南餐厅未必有。同事点了生牛肉汤河，大大碗，我只食了d配菜，味道唔错㖞，佢o地猛赞话好食。我想食红饭，但只得牛柳粒红饭，d红饭冇明珠咁香，不过冇咁油。食了一两粒牛柳粒，唔韧几松化，不过可能落了好多肉松粉都未定。见到怜怜话越式炒金边粉好食，今次都有叫，配料真系几多又大碟，不算太油但系味道咸左d。咸鱼炒芥兰-每条芥兰size都差不多，几嫩口，咸鱼蓉唔算少但唔会好咸。虽然另加5蚊可饮d特饮，但3个女仔都食唔晒，所以咁抵都冇叫到。搭台的一位女仔食左碗蕃茄牛腩汤河，劲香蕃茄味，睇落D蕃茄汤好似好正，同事话下次再叫多D人O黎试下其他野。