茶檔 (已結業)

茶档｜中环中上环嘅一间茶餐厅，坐位唔多，位置比较窄，装修如其名一样，有怀旧铁皮茶档feel☕️之前尖沙咀嘅新记芝士面光荣结业（不过据闻喺旺角开返），但系仲未有机会一试😭黎到中环嘅呢间茶记，见到menu有新记芝士面，即刻叫黎试下🤤据闻呢度嘅芝士面系跟本店学师（唔知系唔系分店？），一上枱已经觉得非常吸引，成碗都系金黄色嘅芝士汁🧀芝士嘅咸香非常浓郁，面头仲有一只橙黄色嘅太阳蛋，可以将蛋汁伴入芝士汁捞面食🍳为成个面加咗一层蛋香，非常邪恶😈值得一赞嘅系个面唔怕煮到太淋，面质几弹牙，猪颈肉嘅分量都非常多🐷每一块都切得大大条，用甜甜地嘅酱汁炒过，食落几香口惹味，食完好满足😍有机会要去旺角店比较一下😌