時光逆流

营业中

休息中

🤍时光逆流🖤中环云咸街41号文静大厦地下低层📍今次去咗中环同朋友聚餐，见到呢间餐厅有两层高，并用咗日式装饰做主题，同附近嘅餐厅特别唔同，估唔到嘢食都几惊喜！🍴香煎三文鱼定食 $168三文鱼扒煎得啱啱好又大块！定食仲会有麻将乌冬、关东煮、腌菜同埋温泉蛋，食完好饱肚！🍴烟三文鱼bagel $68Light food叫咗个bagel，入面都有4大块烟三文鱼，再配上蛋黄酱、蕃茄同生菜。🍴玉子烧 $78 面头加咗啲腌菜！食落几特别，玉子入边再加咗少少葱会香口啲～🍴招牌薯条(蜜糖芥末酱) $68有松露、海盐，紫菜同蜜糖芥末可以拣，我哋就拣咗蜜糖芥末酱，薯条热辣辣啱啱炸好超脆口！每条薯条都有蜜糖芥末酱同埋胡椒超正😙🍴青海 $58🍴焦阳 $48叫咗2杯mocktail🥂青海系mix咗青苹果同西柚，水果味会比较丰富，而焦阳就mix咗热情果同焦糖炖蛋，好特别但系味道出奇地夹，会比较偏甜。