影片
更多
2024-07-15
564 浏览
𠮶日同朋友咁啱经过兰桂坊附近，朋友同我讲之前试过都觉得几唔错，而且又系小店，同我讲话觉得坐落几舒服，咁就带咗我入去。成间Café位就真系唔系好多，但系俾人感觉几温馨。‣ 月亮与六便士 $88朋友话第一次嚟一定要试吓杯咖啡，试完之后都觉得冇推荐错，不枉我夜晚仲要饮咖啡。中间系鲜奶冰唔系雪糕，但系其实奶香味都好足。将espresso倒落去之后，个味道又会唔一样，个层次随住加嘅espresso多少都会有唔同，我觉得系惊喜，而且令人满意嘅。‣ 花落 $68朋友就嗌咗一杯mocktail，嘢饮本身荔枝味比较重，有少少微微嘅花香味，梳打嘅比例偏重，几清爽。但系个人而言，自己比较推荐咖啡系列。‣ 澳州和牛汉堡定食 $168汉堡扒做得都几唔错，食到肉嘅香味，而且都几多汁。我最钟意嘅就系面头嘅太阳蛋，太阳蛋帮到个肉质加分。虽然佢有胡麻酱搭配乌冬捞埋食，但系我就咁倒个温泉蛋落去捞埋食已经觉得好正，乌冬嘅口感都唔错。佢嘅萝卜汤真系好有家嘅感觉，个萝卜都煮得好入味好腍。‣ 玉子烧 $78之所以话佢嘅料理好有住家感觉，可能唔多唔少都系因为个玉子烧，食得出味醂同鸡蛋本身嘅香，个口感偏实在。‣ 日本东京第一 $68
𠮶日同朋友咁啱经过兰桂坊附近，朋友同我讲之前试过都觉得几唔错，而且又系小店，同我讲话觉得坐落几舒服，咁就带咗我入去。成间Café位就真系唔系好多，但系俾人感觉几温馨。
‣ 月亮与六便士 $88
朋友话第一次嚟一定要试吓杯咖啡，试完之后都觉得冇推荐错，不枉我夜晚仲要饮咖啡。中间系鲜奶冰唔系雪糕，但系其实奶香味都好足。将espresso倒落去之后，个味道又会唔一样，个层次随住加嘅espresso多少都会有唔同，我觉得系惊喜，而且令人满意嘅。
‣ 花落 $68
朋友就嗌咗一杯mocktail，嘢饮本身荔枝味比较重，有少少微微嘅花香味，梳打嘅比例偏重，几清爽。但系个人而言，自己比较推荐咖啡系列。
‣ 澳州和牛汉堡定食 $168
汉堡扒做得都几唔错，食到肉嘅香味，而且都几多汁。我最钟意嘅就系面头嘅太阳蛋，太阳蛋帮到个肉质加分。虽然佢有胡麻酱搭配乌冬捞埋食，但系我就咁倒个温泉蛋落去捞埋食已经觉得好正，乌冬嘅口感都唔错。佢嘅萝卜汤真系好有家嘅感觉，个萝卜都煮得好入味好腍。
‣ 玉子烧 $78
之所以话佢嘅料理好有住家感觉，可能唔多唔少都系因为个玉子烧，食得出味醂同鸡蛋本身嘅香，个口感偏实在。
‣ 日本东京第一 $68
我自己就好钟意呢个甜品，超浓郁嘅芝士味，中间芝士流心嘅质感真系不得了，口感亦相当滑溜。钟意食芝士蛋糕嘅人会好满意，真系幸福感满满。
‣ 经典苹果挞 $48
朋友好钟意个苹果挞，佢最满意𠮶个位就系冇肉桂味，毕竟唔系个个都接受到。而家佢嘅甜度系啱啱好，唔会食完觉得腻，口感偏轻盈。
张贴
