越僑

营业中

休息中

食店位置喺一条横巷，如果唔系喺呢区返工，其实好难会发现呢间小店，虽然地点唔系喺大街，但完全无影响佢既人气，中午时间就会见到舖外有好多人等紧位，等外卖既人都好多(⁎⁍̴̛ᴗ⁍̴̛⁎)餐牌选择都唔少，而且星期一至五都有唔同嘅精选菜式。本身我系PHO嘅粉丝，所以我就拣左个越南汤河。\ 🍜越式四牛汤河 ($58) /职员上菜嘅时候会跟埋一兜辣椒🌶️同青柠，可以自行选择加唔加。碗PHO既份量好大，四牛🐮包括生牛肉、熟牛肉、牛柏叶同牛丸，配料仲有大大旧萝卜，熟牛肉似薄切牛腩，肉质软腍有牛味，其余三款就一般。至于汤底，可能本身我对越南河粉既要求比较高，我就觉得佢个汤底比较单调，同正宗PHO有出入🙈🙈当日见到对面嘅食客点咗干炒牛河，好似好吸咁，而且食到一条都无剩，钟意浓味嘅可以一试～😋环境黎讲，座位比较迫，繁忙时间一定要搭台，可能餐厅比较有历史，所以卫生程度一般，但食品份量确实系多，价钱平，所以深受上班一族既喜爱。