珍姐海鮮火鍋飯店

营业中

休息中

中环食到50几蚊一个饭算平呀，仲要系好食！虽然餐牌选择唔多，但就贵精不贵多，试过佢哋个拔道腩鸡饭同封门柳猪油捞面，两个都好食。唔怪得长期要排队。餐厅装修好有香港茶记特色，所有布置同摆设都好有心思，想像到如果夜晚喺度打边炉一定好有气氛。唯一系啲侍应比较有个性，有次同同事一行3人，都过咗1点半先去，人龙唔算长，同埋啲枱都开始清紧，目测有两张冇人嘅4人卡位，我地问侍应我哋可唔可以入去坐，佢坚持要我哋等，我哋心谂，啲人1位嚟食嘢，你都要佢搭枱㗎啦，我地都知要搭枱，咁点解唔俾我哋3个入呢？而且后面都冇4人等位，好奇怪。然后我哋再三要求，个侍应先至好晦气咁俾我哋入座。虽然每次去都觉得佢地啲嘢食系ok，但佢地侍应啲态度都令我却步，所以其实次次都系饭脚们话去我先去！不过讲句公道说话，呢个价钱呢个食物质素，中环嚟讲系算CP值高嘅。