影片
更多
2018-10-19
1178 浏览
星期五放工落咗中环老兰，唔系去饮酒，而系去觅食。呢间开系云咸街嘅Sodam Chicken系食韩国炸鸡，由于酱汁款式种类繁多，因而吸引唔少人泥食炸鸡。为咗试多几味，我同友人一齐柯打咗一份二人炸鸡套餐，除咗可以双拼两款口味无骨炸鸡，仲有两款自选小食加两杯饮品，绝对系经济实惠嘅好选择。柯打无耐，最先到达嘅系饮品：蜜桃水果茶及提子特饮。水果茶相对上比较清甜，十分解渴，底下颇多椰果肉，可以用长羹滗起食；而提子特饮则系份量上比较大杯，食辣鸡时就非常适合，至于味道犹似小时候吱吱冰嘅味道，相当有趣。其后到达嘅系螺肉伴冷面同鸡软骨饺子。先讲鸡软骨饺子，总共有5只，肉馅夹著鸡软骨，外皮再炸得金黄脆口，岩哂钟意食炸野嘅朋友，另外仲有一碟甜酸酱供点蘸饺子。而螺肉伴冷面就无咁热气，但系菜单上有写明偏辣口味，辣嘅源头最主要系正中心嘅螺肉冷盘：辣酱混合螺肉、青瓜、椰菜萝卜丝及黑白芝麻。能接受的微辣，口感较为爽脆，间中带芝麻嘅香，不俗。但建议唔食得辣可以一小注冷面一口冷盘慢慢食，辣度会较易于接受。最后大佬登场：双拼无骨炸鸡，口味分别有辣味同柠檬柚子。先讲辣味，食辣之人都对于呢个辣度无所适从，由于该辣度系慢慢涌现，兼
柯打无耐，最先到达嘅系饮品：蜜桃水果茶及提子特饮。水果茶相对上比较清甜，十分解渴，底下颇多椰果肉，可以用长羹滗起食；而提子特饮则系份量上比较大杯，食辣鸡时就非常适合，至于味道犹似小时候吱吱冰嘅味道，相当有趣。
其后到达嘅系螺肉伴冷面同鸡软骨饺子。先讲鸡软骨饺子，总共有5只，肉馅夹著鸡软骨，外皮再炸得金黄脆口，岩哂钟意食炸野嘅朋友，另外仲有一碟甜酸酱供点蘸饺子。而螺肉伴冷面就无咁热气，但系菜单上有写明偏辣口味，辣嘅源头最主要系正中心嘅螺肉冷盘：辣酱混合螺肉、青瓜、椰菜萝卜丝及黑白芝麻。能接受的微辣，口感较为爽脆，间中带芝麻嘅香，不俗。但建议唔食得辣可以一小注冷面一口冷盘慢慢食，辣度会较易于接受。
最后大佬登场：双拼无骨炸鸡，口味分别有辣味同柠檬柚子。先讲辣味，食辣之人都对于呢个辣度无所适从，由于该辣度系慢慢涌现，兼持久力惊人。感觉就似比人用拳头不停地打，而且力度从未减退，故之然系相当威力强劲，能挑战嘅人绝对要试！再讲番柠檬柚子，简直就系一个差天共地，形成大大对比，味道甜带些微酸，对于唔岩食辣嘅大人细路泥讲系唔错嘅选择。此时先食得出，鸡肉唔会炸得太老，炸浆唔会太厚，感觉几正宗。
总结整体不俗，对于辣方面都几推荐食得辣嘅朋友试下个款无骨辣味炸鸡，会有种脑袋被放空，意想不到嘅效果，几过瘾。
张贴
