金御海鮮酒家 (皇后大道中)

营业中

休息中

如果一大班同事喺中环区饮茶，我就会谂起金御海鲜酒家，位置就喺Donki附近，价钱亦唔算太贵嘅酒楼。比较推荐嘅系墨鱼饼同埋鲜虾腐皮卷，上枱嘅时候热辣辣，应该系即叫即炸，墨鱼饼酿咗少许粟米喺入面，食落去非常弹牙，好高质；另外鲜虾腐皮卷，腐皮好脆，鲜虾爽口。另外推介嘅系海蜇手撕鸡，海蜇脆身爽口，手撕鸡系粒状，两款食物配埋几特别。今次仲叫咗烧卖同埋牛柏叶，烧卖大大粒，上面有好大只虾，猪肉口感亦算新鲜。另外牛柏叶用咗萝卜丝同埋少少姜丝一齐蒸，食落口亦好爽脆。