馬祖台灣養生湯麵館 (和安里)

营业中

休息中

朋友系中环返工，有时想食得健康有营又好食，所以就会研究一下附近既餐厅。今次朋友带我黎佢食过几次既呢间台湾风味养生汤面店。所有主食既汤底系用养生药膳煮既，成日吹冷气要进补既OL或者注重健康既人就岩啦！我地一人叫左一个主食，再追加一个小食，同埋一支冷泡茶。虫草花药膳农场鸡米线 $67大大啖虫草花，仲有香甜既红枣同药膳汤底，味道很唔错。鸡肉因为煮汤既原因会质地有少少硬，但都好食。药膳古早牛肉汤米线 $75朋友叫左呢道主食，我拎左少少汤黎饮，汤底比一般台湾牛肉面多左少少药材味，但牛肉味十足，牛肉都棯身可口。台湾澎湖特A级花枝丸（5粒）$48呢个汤底味道同虫草花个碗汤面一样，花枝丸都唔错。自家制桂花乌龙冷泡茶 $16 桂花味香浓突出，反而乌龙茶味比较淡。