影片
更多
2021-12-16
2088 浏览
中环有一间富有特色，性价比爆灯既日式铁板烧 + 清酒主题餐厅 Kura Teppan & Sake Bar。地点系中环威灵顿街 Somptueux Central 2楼，镛记酒家附近方便唔难揾。.电梯一开门先见到餐厅既大木门，推开大门就好似进入另一个世界。一入眼帘系佢地一整排特色清酒墙同埋一整排既清酒雪柜，现场见到比睇相更震撼。中间系特大开房式厨房同铁板烧位置，各师傅系入面堆头工作为客人准备紧最新鲜既食材。餐厅座位安排都系以铁板烧位置为主，再辅以少量高台位置方便另一批比较喜欢热闹、面对面饮酒聊天享用美食既客人。我个人非常喜爱铁板烧，亲眼睇住师傅处理自己既食材令人有满满期待感。.午市有套餐，晚市全部系自由度大既单点款式。今晚试左好多非常优质同精美既菜式，大部份都系餐厅是令推荐餐牌上面选择。.清酒 Tasting Set （三杯）💲228⭐️4/5开宗明义Sake Bar，餐厅对Sake要求一定高。放满哂唔同款式清酒雪柜非常壮观。餐厅先引领作为门外汉既我地去清酒柜前做简介，先稍稍介绍清酒既特式，因为每款清酒都有自己独突之处同埋最佳配衬菜式，所以餐厅希望首先了解大家喜好同埋今晚主要想食既野再替
.
电梯一开门先见到餐厅既大木门，推开大门就好似进入另一个世界。一入眼帘系佢地一整排特色清酒墙同埋一整排既清酒雪柜，现场见到比睇相更震撼。中间系特大开房式厨房同铁板烧位置，各师傅系入面堆头工作为客人准备紧最新鲜既食材。餐厅座位安排都系以铁板烧位置为主，再辅以少量高台位置方便另一批比较喜欢热闹、面对面饮酒聊天享用美食既客人。我个人非常喜爱铁板烧，亲眼睇住师傅处理自己既食材令人有满满期待感。
.
午市有套餐，晚市全部系自由度大既单点款式。今晚试左好多非常优质同精美既菜式，大部份都系餐厅是令推荐餐牌上面选择。
.
清酒 Tasting Set （三杯）💲228
⭐️4/5
开宗明义Sake Bar，餐厅对Sake要求一定高。放满哂唔同款式清酒雪柜非常壮观。餐厅先引领作为门外汉既我地去清酒柜前做简介，先稍稍介绍清酒既特式，因为每款清酒都有自己独突之处同埋最佳配衬菜式，所以餐厅希望首先了解大家喜好同埋今晚主要想食既野再替我地介绍合适既酒。因为我自己唔饮得酒所以餐厅推荐朋友小试”牛之盛宴”Tasting Set。套餐入面有三种唔同口味清酒配衬番牛肉冷盘同埋唔同口味既牛类铁板烧。Sake上台后餐厅再安排多一次详尽介绍讲解每款既出产地、背景故事、特色、风味同配衬方法，非常之专业。
.
米崎生蚝 💲98/each
⭐️4/5
开胃前菜点左时令既生蚝。餐厅提供既都系岩手县米崎生蚝，蚝身好大只厚肉Creamy 海水唔算重。
.
日本海胆生和牛卷 💲268
⭐️4.2/5
有配衬牛肉冷盘既Sake当然要试下佢地既生和牛卷。艺术品一样卖相非常精致，一客两件。面用上少量鱼子酱同金箔，有外层系日本生和牛滑嫩油脂感重云石纹靓，中间夹住满满既日本海胆，味道浓郁，口感幼滑黏稠。非常好味极想Encore。
.
松叶蟹他他 💲88
⭐️4.3/5
卖相一样非常精致，鱼子酱金箔点缀，面层系松叶蟹肉、龙虾沙津、蕃茄粒同下层牛油果。配搭多士同沙津菜，加埋少少意大利黑醋汁一齐食，成件艺术品一样唔舍得放落口。
.
𩽾𩾌鱼肝 💲128
⭐️4.3/5
餐厅是令推介菜之一，𩽾𩾌鱼肝系日本贵级食材，素有「海中肥鹅肝」美誉，系日本一种几常见既有益食材。呢份鱼肝用一个非常靓既玻璃器皿装住，上层系食材同配料，下层系超美既花花。鱼肝一客两件，鱼肝质感比较实，有油脂感，加埋下面类似香醋果冻配料一齐食酸酸甜甜，无论打卡定系享用都系赏心乐事。
.
紫苏鸡丸 💲88
⭐️3.8/5
一众食家推荐餐厅呢客鸡丸所以跟风试下。紫苏鸡丸即叫即煎由师傅系席前烹调，调味后既鸡肉混鸡软骨做成鸡丸子，用紫苏叶包住，口感丰富。配搭日本蛋浆一齐食味浓幼滑。
.
铁板鳕白子 💲128
⭐️4.2/5
鳕白子其实系雄性鳕鱼的精巢，系一种名贵食材。作为餐厅时令推荐菜式之一，可以刺身或铁板方式处理。师傅强烈建议以铁板方式带出鳕白子既味道。鳕白子外面煎得微微焦脆，口感有少少似豆腐或冻鸭肝一样滑滑入口即溶。特别欣赏配衬白子既鱼酱汁，系菜式既灵魂。
.
铁板牛舌 💲88 ⭐️4/5
铁板美国顶级牛柳 💲228 ⭐️3.9/5
餐厅推荐如果我地试牛之盛宴Tasting Sake Set就必配铁板牛舌同铁板牛柳。去食铁板烧其实净系睇师傅表演已经值回票价，食材质素唔错，以单份铁板黎讲份量算好多，差少少食唔哂。
.
铁板法国白鳕鱼 💲148
⭐️4.2/5
今晚另一个惊喜位系呢份铁板法国白鳕鱼，外层煎得焦脆，入口有浓浓鱼油香。最重要系佢连摆盘都好讲究用好靓既花瓣围好，真系好耐无食过一份咁好睇又食既煎鳕鱼
.
橙酒啫喱奶冻 💲68
⭐️3.7/5
甜品无MENU全部都系是日精选款式，今晚就系橙酒啫喱奶冻。一出场又系靓到哗一声，简单奶冻都可以整得咁靓咁有心思。蓝色既橙酒啫喱系灯光下好似蓝水晶一样闪闪下，下层系奶冻仲有士多啤梨装饰。客观讲句橙酒啫喱其实无咩酒味，奶冻合格不过不失四平八稳。但成件事靓到咁真系无得挑剔。
.
总结：本身仲好想试埋一众食家都大推既原只生猛大龙虾 、鹅肝、舞茸同和牛炒饭，但食完牛柳同牛舌已经过饱，实在无能力所以忍痛放弃。
呢到既优点系菜式单点自由度大，无论装修、清酒同食物质素都系走专业、好高质素同注重食材每一细节。不过价格与同类餐厅比较绝对亲民，食左咁多野仲要叫埋酒人均都只系💲900。成晚用餐体验良好气氛轻松自在，所有员工态度都系专业友善。所以系到食饭系一种享受，个人非常推荐呢一家日式铁板烧同清酒主题餐厅。听餐厅讲佢地间中有做Sake Tasting Night活动，朋友仔食完已立马决定安排再回访再试一下。
.
不专业食评 nei.foodie
𩽾𩾌鱼肝
$128
33 浏览
1 赞好
0 留言
松叶蟹他他
$88
34 浏览
0 赞好
0 留言
米崎生蚝
$98
36 浏览
0 赞好
0 留言
日本海胆生和牛卷
$268
32 浏览
0 赞好
0 留言
铁板鳕白子
$128
15 浏览
0 赞好
0 留言
铁板鳕白子
$128
26 浏览
0 赞好
0 留言
铁板法国白鳕鱼
$148
22 浏览
0 赞好
0 留言
铁板牛舌
$88
14 浏览
0 赞好
0 留言
铁板美国顶级牛柳
$88
26 浏览
0 赞好
0 留言
紫苏鸡丸
$88
16 浏览
0 赞好
0 留言
清酒 Tasting Set
$228
13 浏览
0 赞好
0 留言
橙酒啫喱奶冻
$88
15 浏览
0 赞好
0 留言
张贴
