影片
更多
2024-07-11
1321 浏览
辛苦咗成个礼拜放假，当然要去食好嘢。呢间位于中环兰桂坊嘅Fumi，周末同假期会供应假日早午市放题，成人$588/位除咗包两款自选主食，仲有无限量供应日式前菜、沙律、刺身、寿司卷物、天妇罗、烧物等等。而重点更加系有北海道原产鳕场蟹脚任食，12点开始可以食足3个钟，嘢食质素绝对唔比高级酒店buffet差。另外仲可以加钱叫埋无限畅饮，又或者好似我哋咁叫返杯cocktail chill吓。先讲自选主食，有成十几款选择，当中不乏用A4和牛、吞拿鱼、银鳕鱼等高级食材炮制嘅菜式，我哋两个人就叫咗4款唔同嘅主食开心share。A4和牛铁板烧一客有4片A4和牛，油花分布平均，轻轻用炉烧一烧就食得，肉质腍嫩，牛味香浓，食得满满油脂香。极上吞拿鱼五点寿司 (+$50)分别有蛇腹拖罗、火炙金三角拖罗、香葱碎拖罗、鲜吞拿鱼中腩同赤身5件寿司。拖罗件件都入口即融，满满嘅鱼脂喺口入面散开嚟。A4和牛寿喜烧小锅同样用上A4和牛，牛肉软嫩而且吸收哂寿喜烧汤底嘅甜味。锅入面仲有非常入味嘅粉丝同豆腐等配料。北海道吉列十胜豚肉豚肉好大块炸得香脆，粉浆厚薄适中，食落亦都唔油腻。至于放题嘅情餐点，只要同店员落order就会有专人
先讲自选主食，有成十几款选择，当中不乏用A4和牛、吞拿鱼、银鳕鱼等高级食材炮制嘅菜式，我哋两个人就叫咗4款唔同嘅主食开心share。
A4和牛铁板烧
一客有4片A4和牛，油花分布平均，轻轻用炉烧一烧就食得，肉质腍嫩，牛味香浓，食得满满油脂香。
极上吞拿鱼五点寿司 (+$50)
分别有蛇腹拖罗、火炙金三角拖罗、香葱碎拖罗、鲜吞拿鱼中腩同赤身5件寿司。拖罗件件都入口即融，满满嘅鱼脂喺口入面散开嚟。
A4和牛寿喜烧小锅
同样用上A4和牛，牛肉软嫩而且吸收哂寿喜烧汤底嘅甜味。锅入面仲有非常入味嘅粉丝同豆腐等配料。
北海道吉列十胜豚肉
豚肉好大块炸得香脆，粉浆厚薄适中，食落亦都唔油腻。
至于放题嘅情餐点，只要同店员落order就会有专人送到，唔洗好似食buffet咁行嚟行去。重点之一当然系任食鳕场蟹脚，蟹脚条条都非常粗身厚肉，肉质饱满结实，鲜味十足，绝对可以媲美知名海鲜酒家。
其他仲有好似鲜吞拿鱼、八爪鱼、帆立贝、油甘鱼、马刀贝等新鲜刺身；A4宫崎和牛寿喜烧卷、火炙三文鱼牛油果卷等卷物；盐烧宫崎鸡翼、豚腩肉等串烧；同各式沙律前菜，任君选择。
食饱仲会有精选甜品盘一客，上面除咗有雪糕、和菓子、蕨饼，仲有西瓜、士多啤梨等水果，加埋干冰制造嘅烟雾效果，充满视觉享受。
Plum & Fizz $108
呢到嘅cocktail都非常有特色，好似呢杯Plum & Fizz就用咗
毡酒同梅酒做base再加入柠檬汁同梳打水调配，饮落先有香浓嘅梅酒味道，再有柠檬嘅清香。
Tinker Bell $108
而呢杯Tinker Bell就将伏特加同酸苹果酒结合，再加上青苹果蓉、青柠、薄荷叶同梳打水，入口有超refreshing嘅感觉。
。
。
FUMI (中环)
中环兰桂坊德己立街30-32号加州大厦6楼
。
。
张贴
