雲壽司 (德和大廈)

营业中

休息中

好耐之前食过太子嘅云寿司觉得质素唔错，今次再嚟位于中环兰桂坊嘅分店，一样都系冇令人失望呀！周末下午到访，全场坐满晒～个人特别喜欢吧枱位置，可以睇住师傅们制作寿司🍣别有一番风味～今次食咗期间限定特选二人餐$680，有两碗丼饭+面豉汤+沙律+ 12件寿司🍣+三款刺身，咁多嘢食真系性价比超高啊！刺身拼盘有三款刺身：牡丹虾、深海池鱼、矶煮鲍鱼，牡丹虾好大只同埋鲜甜，头都可以食！池鱼好新鲜唔会腥，鲍鱼爽口又入味。寿司拼盘有六款合共12件寿司，其中包括北海道海胆寿司、拖罗最司、辣味带子军舰、油甘鱼寿司、赤虾寿司同埋火炙左口鱼边寿司，每一款都新鲜肥美，其中最钟意海胆寿司，入口即溶冇腥味，充满阵阵甘香！迷你葱吞拿鱼腩丼+迷你鳗鱼饭虽然话系迷你但系其实份量都唔少！尤其是系葱吞拿鱼腩丼，成座山仔咁高，一啲都唔迷你，吞拿鱼油香十足，混合葱同埋酱油一齐食，真系好美味～鳗鱼饭都好惹味～面豉汤有虾头嘅味道，几特别，然后跟餐嘅蕃茄沙律都好出色，酸酸甜甜，特别开胃。