Isola Bar & Grill (已結業)

久居外地嘅朋友回港当然要一齐食餐饭, 顺便聚下旧啦就拣左呢间位于尖沙咀IFC嘅Isola Bar & Grill 由于事先有book定位嘅关系所以一去到, 侍应已经安排好座位比我地餐厅嘅装修简单时尚, 灯光昏暗,颇有情调枱上放有假蜡烛灯, 方便食客阅读Menu点餐后, 侍应就为我地送上餐包, 餐包嘅款式都算多, 配搭黑醋及橄榄油, 别有一番风味。之后, 我地叫左份Pizza，Pizza上虽然只有芝士, 蕃茄酱, 蘑姑及肉粒几种简单嘅材料, 但系味道调较得刚刚好, 加上烤得卜卜脆嘅pizza边, 令我同朋友都赞不绝口。意大利饭, 绿色的卖相相当特别, 令我同朋友都忍唔住手机食先, 至于味道较浓, 适合口味较重之人士。除此之外, 我地仲嗌左份肉眼扒, 肉质鲜嫩嘅牛扒配上伴碟的沙律菜, 感觉较健康之余亦能减少油腻感。餐饮方面, 我地各自嗌左杯mocktail, 无独有偶, 两杯饮品都以红色作主调。朋友那杯味道偏酸, 非常醒胃; 而我果杯就较甜, 比较易于入口。值得一提嘅系, 餐厅仲有提供自助餐, 可惜我同朋友当日都唔太肚饿, 所以冇试到。但睇到食物选择都几多款式, 下次再有机会, 一定要试下