浪人日本料理 (已結業)

中环高质放题✨ 讲到呢间浪人其实都几有惊喜，刺身用料高级，三文鱼系用鱼腩部位，仲有带子油甘呢类高级食材，寿司类型都好吸引，海胆/三文鱼子/吞拿鱼蓉/赤贝等，仲要全部都几高质下，寿司都系用赤醋饭食落特别香✨除咗生嘢之外，另一亮点系佢有一系列炉端烧食品，开放式厨房仲睇到个炉烧紧啲乜，羊架牛扒全部都烧得好惹味，仲有我至爱嘅烧菠萝🤣 其他必推食物一夜干池鱼烧，试问有几可会见到放题有一夜干食先得，另外Parma ham切得细细块再包住蜜瓜粒，一粒一粒咁啪好好味🤤仲有一个唔可以睇少位就系佢地啲甜品都有啲料到，必试焙茶芝士蛋糕同埋迷你马卡龙，雪糕反而好一般，话说第一次叫一件马卡龙就有一粒，然后第二次叫四粒时佢嚟咗十二粒，话一客三粒连个店员都忍唔住笑🤣 不如几好食所以话咁快就清咗😗最后想讲呢度放题形式有点特别，只系熟食系落单，前菜生冷嘢同炉端烧都系要自己出去夹，好处就包唔会漏单，但其实佢嘅refill速度唔算快，特别系啲热门种类好快俾人夹哂，剩低一堆卖剩蔗响度，然后因为仲有好多嘢响度自然唔会点refill，结果就愈放愈耐愈嚟愈冇人夹🙄可能我晏入场啦，基本上到九点零已经唔会点fill嘢，所以如果想食建议