Bar Bleu (已結業)

最近比朋友揾到间好特别嘅法式小店，环境细细但物质素估唔到咁了得，所以为食嘅我就跟朋友仔去中环好东西~先嚟个招牌生蚝，见Openrice好多人都大赞，食完终于明点解咁多人推介。佢嘅青瓜同西瓜味嘅配搭，够哂清新又唔会盖过生蚝嘅鲜甜，而且蚝饱满够肥美，所以整体上好Surprise~另外单点嘅酸种面包，味道好丰富浓厚，再配上seaweed butter一齐食，估唔到牛油香带点紫菜味估唔到咁夹~再嚟一个鱼子酱鳗鱼甜甜圈，卖相精致，睇得出摆盘几咁用心，口感外脆内软，中间个酱馅系胡萝卜味带橙香。鱼子酱味几浓加埋鳗鱼，成个配搭整体真心好好味~我最爱就系鱼生，所以就叫左个野生𫚕鱼，佢嘅油香味几足，下层系牛油果蓉，面头再加左啲小柑橘，依个Combination又几夹。最后叫左个特大西班牙红虾意大利饭，最后而最惊艳嘅主菜，西班牙红虾成只手咁大，红虾肉啖啖都劲鲜甜~