Bar Bleu (已結業)

平时放假最钟意周围揾野食，特别系中环区真系好多质素高嘅餐厅，今次嚟咗呢间喺Soho嘅法式餐厅！餐厅虽然唔算好大，但装修得好舒适。我地首先点咗两款Canelloni，外型有啲似中式嘅春卷，卖相几精致，食落系啖啖松叶蟹肉，个口感都几好！第二款 招牌生蚝 都几有特式，蚝肉上铺上红红绿绿嘅青瓜粒同西瓜沙冰，为鲜甜嘅生蚝带出另一阵清新味道！餐包方面都做得唔错，口感几好。我地点咗白酒衬埋生蚝食，只蚝食落更加鲜甜！最爱呢一个菜式：鱼子酱鳗鱼甜甜圈，donut面头放上烟熏左嘅鳗鱼，同埋唔少鱼子酱，成个配搭都好creative 。咬开donut 中间系胡萝卜酱，个味都几match ，my favourite!最后叫咗个Squid ，摆盘好靓！材料用左新鲜萤光鱿鱼同埋烧鱿鱼，加左啲水牛芝士成件事更加正，味道酸酸甜甜好开胃！整体体验都好好，下次再黎试下其他野先！