樹屋 (H Code)

营业中

休息中

前排同个奉行纯素饮食（vegan）嘅同事去中环见完客，佢带左我黎呢间位于H Code嘅「树屋」食饭，用餐体验非常好，喺度推荐俾大家。餐厅装修简洁，光线明亮，非常cozy。可能系喺中环商业区嘅关系，都好多外籍OL放工黎食，所以店员都系以讲英文为主嘅。餐厅主打西式素食，但食物选择非常多。俾大家睇下个menu～当晚我同同事分别叫左一份「森林汉堡」套餐，同埋一份「雪松沙律碗」。同事叫嘅汉堡好大份，卖相吸引。伴菜有炸蕃薯条同沙律菜，以及一杯Lemonade。同事赞个汉堡好juicy好有口感。佢请我食嘅几条蕃薯条更加系香脆可口！我order嘅沙律碗好丰富，材料有牛油果、羽衣甘蓝、罗马生菜同埋其他杂菜，一听就知道好健康好refreshing。佢旧牛油果真系好creamy好好味！我之后再额外加左一块朱古力曲奇同一杯香茅姜茶，朱古力曲奇唔会太甜，而且食到一粒粒朱古力颗粒！姜茶虽然细细杯，但饮落好香好暖胃。