The Balcony (已結業)

今日考试成功就约咗朋友食饭庆祝！大家相约系中环The Balcony食西日fusion菜。由中环恒生总行沿住租庇利街行过去，一直行到皇后大道中，就会见到有个招牌教你点去118号，上到三楼就到间餐厅。挂墙图画上既希腊小白屋、蓝天白云、蓝色的大海，让人望见都感到内心平静起来。白砖墙身，配搭简单既枱凳，感觉就系舒服。窗边摆放住唔同既酒同埋盆栽作装饰，坐低之后就发现出面真系有个露台可以俾人出去吹下水。睇完menu后，我地决定拣两个set dinner黎试下︰The Stylish $388、The Dignity $488。店员好快就拎咗杯水黎，呢杯唔系普通既水，而系浸咗士多啤梨、柠檬、蓝莓既detox water，好健康，而且唔会好似清水咁淡而无味，好好饮！煎鹅肝配日式萝卜及菠萝︰朋友话唔系到到煎鹅肝都好味，但呢到既煎鹅肝真系煎得好出色！单看外表就见到鹅肝煎得油光均匀，放入口咀嚼，鹅肝香味满溢，再配埋沾有黑醋汁既日式萝卜和清甜多汁既菠萝，酸甜既味道中和返，唔会有油腻感！扒虎虾香桃沙律︰两只扒虎虾铺面，虾肉新鲜唔霉，沙律菜清新爽脆，捞埋沙律酱黎食，一D都唔苦，最惊喜系香桃，令整个沙律倍添香甜。