影片
更多
2017-12-06
178 浏览
星期五too good its Friday😜醒起之前有朋友介绍过中环有间疯狂小面, 星期五放工就同男朋友嚟疯狂一下。呢到嘅位置唔算太容易揾, 招牌唔算太明显。星期五八点入到去, 未算完全满座, 但都好多客人。我地点左以下嘅嘢:未食过以下呢个钵钵鸡, 唔可以话自己食过疯狂小面。首先我虽然好钟意食辣, 但又同好多人一样, 唔算好食得辣。嗌左bb辣, 一见倒一盘红油𠮶时有少少担心, 但系食落麻而不辣😍辣度同麻度都岩岩好😋 而且食落只觉得好香, 冇好油腻嘅感觉。佢有30枝肉30枝素。好似寻宝咁一枝一枝咁队嚟食好过瘾~呢个系卤水拼盘。望落去有少少干, 本身以为唔记得加卤水汁。 之后朋友叫咗侍应过来问佢系唔系唔记得落卤水汁。之后侍应答正宗川菜嘅卤水系咁嘅样 : 干食再沾点隔离辣辣哋嘅粉。同我哋广东食开𠮶种湿食嘅方法有唔同。呢个卤水拼盘就咁食其实唔差, 有卤水嘅香味但系又未至于太咸。 不过我实在太钟意食钵钵鸡嘅麻辣汤。食到最尾我将卤水拼盘入面嘅料都浸落个麻辣汤食。 𠮶种麻辣嘅感觉唔会呛胃, 但系𠮶种刺激感系好正!最尾呢个成都老冰粉。呢个老冰粉一啲都唔老, 仲好fresh..冰粉本身系冇味, 但系佢
呢到嘅位置唔算太容易揾, 招牌唔算太明显。
星期五八点入到去, 未算完全满座, 但都好多客人。
我地点左以下嘅嘢:
未食过以下呢个钵钵鸡, 唔可以话自己食过疯狂小面。
钵钵鸡
21 浏览
1 赞好
0 留言
首先我虽然好钟意食辣, 但又同好多人一样, 唔算好食得辣。嗌左bb辣, 一见倒一盘红油𠮶时有少少担心, 但系食落麻而不辣😍辣度同麻度都岩岩好😋 而且食落只觉得好香, 冇好油腻嘅感觉。
佢有30枝肉30枝素。好似寻宝咁一枝一枝咁队嚟食好过瘾~
呢个系卤水拼盘。
望落去有少少干, 本身以为唔记得加卤水汁。 之后朋友叫咗侍应过来问佢系唔系唔记得落卤水汁。之后侍应答正宗川菜嘅卤水系咁嘅样 : 干食再沾点隔离辣辣哋嘅粉。同我哋广东食开𠮶种湿食嘅方法有唔同。
呢个卤水拼盘就咁食其实唔差, 有卤水嘅香味但系又未至于太咸。 不过我实在太钟意食钵钵鸡嘅麻辣汤。食到最尾我将卤水拼盘入面嘅料都浸落个麻辣汤食。 𠮶种麻辣嘅感觉唔会呛胃, 但系𠮶种刺激感系好正!
最尾呢个成都老冰粉。呢个老冰粉一啲都唔老, 仲好fresh..冰粉本身系冇味, 但系佢上面有个汤汁, 梅子味咁酸酸甜甜..有少少提子干同埋花生, 好清香舒服。
总括而言, 川菜原来都几好味。下次带其他朋友同屋企人嚟试下。
张贴
