金鶴拉麵 (荷李活道) (已結業)

金鹤拉面🍜｜中环 浓厚鸡白汤拉面 明太子鸡翼 ｜🐣鸡白汤系日本同香港已经流行左好耐, 而依家我地先去试，我想像中已经要系好浓郁既鸡汤味同唔同好似猪骨汤咁油腻腻同腻。今次我地收左工就去左中环既分店试下，好彩唔洗点排队，好快就可以入去。分店都好易揾，中环街市行多几分钟就到。💕今次我地就叫左两碗唔同既汤底试下，仲有明太子鸡翼同埋日本既波子汽水。🐣金鹤 鸡白汤拉面 $98浓厚雪白既鸡汤，仲有叉烧同鸡叉烧，半颗溏心蛋，黑木耳丝同一大束炸牛蒡丝，用料好足。鸡白汤又鲜甜浓郁，好滑好creamy，唔会好重口味。叉烧柔软好味，再浸落个汤度，就更加鲜味。今次系第一次食鸡叉烧，但估唔到都好嫩滑，鸡味浓郁。最特别系炸牛蒡丝，甜甜地，脆卜卜，不过浸落汤就好有咬口。拉面面质都好弹牙，唔错〜🍜酱油拉面 $88酱油拉面其实都唔错，个汤底唔系纯粹得酱油味，反而有种清甜味，令人觉得好舒服。汤底令我印象都好深刻。酱油汤底配上叉烧都好好味🐣日本明太子鸡翼 $48总共有两只鸡翼，外表焗得岩岩好，金黄色。除左鸡翼尖既位置，鸡中翼其实已经去左骨，食既话真系好方便。味道方面，入面有满满既明太子，其实都几辣，唔食得辣既朋友就要小心啦。