山旮旯 (已結業)

喺伊利沙伯体育馆睇完剧行出嚟，每一次都会见到呢间嘢，今日终于有机会试下。我哋叫咗两样嘢食: 炸猪手! 夹返个甜甜地嘅蜜糖芥末酱，旁边有啲黑醋沙律菜。皮脆，啲肉唔会鞋飒飒，个人觉得有啲咸。另一个系:牛油白酒煮蚬跟粗薯条。唔记得佢话系边度嚟嘅大蚬，有六只，啖啖肉，超满足! 个汤汁滚埋D洋葱，好味!😋 早之知唔配薯条，配多士，咁就可以吸晒D汁。我拣咗呢杯手工啤系朱古力+咖啡味。唔谂住大口大口饮啤酒嘅人先好拣呢只，正如你唔会大口大口咁饮咖啡一样。呢支系朋友叫嘅，我试过...唔系咁啱我😅整体嚟讲，都唔错。我当晚眼见啲食客多数都系睇完舞台剧，或者住喺附近酒店嘅外国旅客，同似系啲写字楼放工嚟 Happy hour，都斯斯文文。想同朋友饮番杯倾下计，但又怕啲好杂嘅酒吧就啱晒。