CaN LaH

营业中

休息中

中环区一向都系美食嘅必争之地，尤其是系餐厅林立嘅IFC。今次我就到访位卡IFC嘅「CaN LaH 」品尝一下星马菜嘅极致享受。眼泪虾枣制作过程所加入嘅洋葱会令厨师流眼泪，所以就叫眼泪虾枣。外层酥炸香脆，内层佢手剁虾肉够湿润又弹牙。老隆药膳肉骨茶颜色会比坊间见到嘅浅色，远远地已经闻到蒜蓉同埋胡椒嘅味道。汤底药材味唔会太重，入面仲有煮到入哂味嘅肉排，绝对系真材实料。百香果沙律虾球虾球就食得多，但系配搭百香果就好少见。虾肉弹牙同时又有微酸嘅味道。砂劳越黑胡椒焗螃蟹选用大只嘅肉蟹配搭黑色嘅砂劳越黑胡椒，蟹肉啖啖肉又鲜美，而黑胡椒够入味又带番啲层次出嚟。正宗海南麻鸡海南鸡连鸡皮都够嫩滑，配搭3款酱汁，啖啖都系鸡肉嘅肉汁。四大天皇听过名未必知系乜，其实系四款唔同嘅蔬菜，够哂镬气。我自己就钟意叫番啲粉面，不仿可以试下怡保干炒海鲜米粉和姜葱滑蛋生虾面。我自己就最钟意炸到香脆嘅生虾面。甜品不妨可以试吓原个雪燕香芒椰子盅，矜贵嘅雪燕配搭香甜嘅芒果同埋椰子，绝对系夏日消暑佳品。