廿一堂

营业中

休息中

中午12:30到，虽然lunch time好多人，但餐厅座位算多，流转快，所以等一阵就有位。❤廿一烧豚丼 （$58）套餐包丼饭、饮品同大福草饼。豚肉厚薄适中，中间有少少肥肉，表面同边位烧成微焦，好香口。肉嘅份量都唔少，可以铺满成碗饭。饭系用左日本米，粒粒圆润弹牙。烧汁味道浓郁，而且有甜洋葱同腌萝卜可以解腻。大福系绿茶馅，外面沾满绿茶粉，食完好饱😆。❤廿一烧鸟丼（$58）烧鸡肉外层都好香，肉质就比较干身。同样有跟饮品同大福。