影片
更多
2025-01-11
927 浏览
Pier 7 Café & Bar喺中环七号码头顶楼，地理位置一流！搭䢂直上，一出䢂就已经feel到阵阵海风，心情都轻松晒！餐厅最大卖点就系佢个露天平台，可以一边欣赏维港景色，一边享受美食，真系人生一大乐事！首先讲吓主菜，今次系Roasted Beef Sirloin烧西冷牛扒。牛扒份量都几足，煎得啱啱好，外层带少少焦香，入面仲keep到juicy，肉质鲜嫩，唔会韧，食落啖啖肉，非常满足！自助餐方面选择都几丰富，冷盘有烟三文鱼🐟，唔会有腥味。另外仲有鹰嘴豆泥🧆，口感绵密，味道几特别，不过就唔系人人啱口味。沙律🥗方面有藜麦沙律同西兰花沙律🥦，两种沙律都好fresh，啱晒追求健康嘅朋友。藜麦沙律口感丰富，配上清爽嘅酱汁，好开胃。西兰花沙律就比较清新，西兰花爽脆，调味适中。热食方面，今日嘅南瓜饭🎃甜甜地，几开胃，南瓜味都几香浓。长通粉配忌廉蘑菇汁🍄个汁蘑菇味浓郁。普罗旺斯炖菜🍆就几有惊喜，herbs味好香，蔬菜都煮得够腍，入味之余又保留到蔬菜嘅鲜甜。忌廉蘑菇汤🍄够哂creamy，口感顺滑。饮品方面，叫咗杯佢哋嘅招牌cocktail：Rooftop Garden🍹。颜色真系好靓，粉蓝色渐变，由
Pier 7 Café & Bar喺中环七号码头顶楼，地理位置一流！搭䢂直上，一出䢂就已经feel到阵阵海风，心情都轻松晒！餐厅最大卖点就系佢个露天平台，可以一边欣赏维港景色，一边享受美食，真系人生一大乐事！
首先讲吓主菜，今次系Roasted Beef Sirloin烧西冷牛扒。牛扒份量都几足，煎得啱啱好，外层带少少焦香，入面仲keep到juicy，肉质鲜嫩，唔会韧，食落啖啖肉，非常满足！
自助餐方面选择都几丰富，冷盘有烟三文鱼🐟，唔会有腥味。另外仲有鹰嘴豆泥🧆，口感绵密，味道几特别，不过就唔系人人啱口味。沙律🥗方面有藜麦沙律同西兰花沙律🥦，两种沙律都好fresh，啱晒追求健康嘅朋友。藜麦沙律口感丰富，配上清爽嘅酱汁，好开胃。西兰花沙律就比较清新，西兰花爽脆，调味适中。
热食方面，今日嘅南瓜饭🎃甜甜地，几开胃，南瓜味都几香浓。长通粉配忌廉蘑菇汁🍄个汁蘑菇味浓郁。普罗旺斯炖菜🍆就几有惊喜，herbs味好香，蔬菜都煮得够腍，入味之余又保留到蔬菜嘅鲜甜。忌廉蘑菇汤🍄够哂creamy，口感顺滑。
饮品方面，叫咗杯佢哋嘅招牌cocktail：Rooftop Garden🍹。颜色真系好靓，粉蓝色渐变，由浅至深，好似日落时嘅天空咁，打卡一流！味道方面，酸酸甜甜咁，好清新，Finlandia伏特加嘅酒味唔会太重，加上Prosecco嘅气泡，饮落清爽之余又带点微醺，真系好啱夏天饮！尤其系喺户外平台，吹住海风，饮返杯真系好chill！另一杯Mocktail，Cherry Squash🍒，颜色鲜艳夺目，充满夏日气息。车厘子味好突出，酸酸甜甜，平衡得好好，够晒refreshing，唔饮酒嘅朋友都可以试吓。
张贴
