名都 (已結業)

自从WE GO MALL 依度开左之后，附近嘅街坊就多左个就近饮茶食野买野的地方。商场入面只有一间酒楼，唔系平常稻香富临果Ｄ，又系比较少见比较中档的名都。佢地开张之后，见住佢地由无咩人，到而家闲日饮茶都有固定熟客，六日直头要等位添！话明系走中档，除左价钱系稍稍贵一点之外，最重要系佢地食物的质素真系一食之下系唔同Ｄ。味精少／冇，用料靓，老实，手势传统唔花巧但反而比较健康，唔会过份多油重味，所以都几岩中产人士同老一辈客人的味道。应该系话，因为佢用料扎实，份量足，所以计返其实比其他话平话多优惠的酒楼仲抵。我地食左几次之后，都当左依度系饭堂。午市饮茶，平时系即蒸的，假日就系推车仔。点心的心水有虾饺烧卖，粉粿，鸡扎都唔错，仲有蒸饭／豉油皇炒肠粉都唔错。晚饭时间的例汤同小菜都食得过。