正月十五 (已結業)

话说系土瓜湾同屋企人食饭做节，之后就同男友两个人行咗去红磡，想揾甜品店食个糖水当下场。经过见到五、六间甜品店，有间个menu炒足松记，有两三间劲多人等位但系望落又无乜特色甜品......最后去咗呢间正月十五食，因为睇落佢个menu最吸引！我叫咗龙眼雪露，男友叫咗个西瓜龙吐珠配西瓜汁。龙眼雪露个味非常古怪，有少少龙眼味加埋雪水味，味道唔讨好。相比起另一间做龙眼雪露出名嘅糖水舖，呢间争好远。西瓜龙吐珠就普普通通，最好食系球芒果味雪糕，西瓜肉都几甜，但就无乜特别。西瓜汁沟太多糖水，好甜。座位亦坐得唔舒服同好逼，应该无下次了。