青葉海鮮酒家 (青山公路 - 新墟段)

营业中

休息中

同自己屋企人做完节，又到同奶奶做节。奶奶偏爱中菜，所以拣左「青叶海鲜酒家」。入到去，要再经一段路，先见到间房。堂剪BB乳猪 (半只)乳猪皮脆，唔油腻。但略嫌呢只乳猪比较瘦，所以欠缺咗油脂渗出黎嘅油香。镬仔咸菜猪肚用火炉热住~ 热辣辣，猪肚易咬好食，汤内有黑椒粒，越饮越辣，好惹味。冰镇咕噜肉好食+吸精~咕噜肉用冰镇住，够特色。肉质表面被冰糖包住，咬落脆卜卜，外冻内暖，口感好正，食唔停口。梅菜扣肉煲越唔健康，越好食。但一次半次唔怕啦~ 扣肉入口溶化，啖啖都好甘香。梅菜吸晒扣肉嘅晒甘香，𩠌饭一流。翡翠螺片炒凤片翠玉瓜爽口，凤片即系鸡肉，炒得刚刚好。麦米粥 / 红豆沙饭后仲有甜品送~ 味道唔太甜。