天台BBQ燒烤場 (已結業)

好开心中秋节果晚天气咁好，之前book左BBQ都劲惊，天文台又话打风又话横风横雨，好在最后都天朗气清，一大班人可以喺观塘市区工厦入面BBQ实在好方便，因为唔系个个朋友间公司都咁有良心有得早走，有D朋友无得早走，收7、8点都可以嚟join，唔会太夜，又唔洗山长水远入赤柱或西贡，so good！估唔到市区可以有咁大既BBQ场，问问负责人话天台烧烤场连室内有成6000呎!!! 当晚系BBQ自助放题，可以任食、任饮、任玩6粒钟！之前嚟过一次觉得D野食几好味，鸡翼、猪扒、牛扒、鱿鱼、肠仔等等大路食物应有尽有，丸类亦唔少，味道亦有水准，唔会因为任食就求其hea畀你，特别要赞下有锡纸提供比你包粟米、金菇同蕃薯，仲好细心有埋牛油添，你知无牛油个味会争几远！另一开心位系雪糕任食，比起上次，今次新增左5款口味雪糕任食，食完热气野狂食雪糕是常识吧！当晚天气唔算好热，不过呢度都有大牛角扇，所以都唔洗怕热。