利苑酒家 (洗衣街)

营业中

休息中

第一次嚟利苑酒家，座位好阔落，不过楼底就吾算高。今晚叫咗个二人餐，比较精致， 个蟹肉翅真系好多蟹肉， 同埋啲蟹肉系弹牙㗎， 啲鱼翅系一丝丝， 个汤底饮得系冇味精嘅 。 由于我唔食蚝，朋友就帮我食埋啦，佢用生菜包住成只食，出面个皮就炸得好脆，入面只蚝鲜甜。金针蒸龙趸片蒸得啱啱好，食落口有齐3样味道，好正全晚最惊喜就个砵仔饭，粒粒饭都好软熟，真系非常好食㗎，而家真系好少酒楼有㗎，佢仲要加埋啲肉碎粒㖞，净系食个饭都正最后上个甜品系红枣糕，我食晒两件。糖水系木瓜雪 耳，木瓜系一粒粒波仔咁样㗎，所以口感呢亦都比较特别啲嘅。 整体嚟讲，呢间果然系咪芝莲当然价钱都系，不过中秋做节就食好啲啦 今次遗憾呢就系食唔到𠮶个蛋白杏仁茶，所以下次订位时一定要叫酒楼预留。