和氣食堂 (黃大仙中心南館)

营业中

休息中

呢间和气食堂又近车站性价比又高，我地去到已经好多人排紧队，攞飞行左阵街先到我地。一黎见到个餐牌好吸引，样样都想试!结果我地几个女仔叫左劲多野食，食到好饱😋 。呢个左口鱼牛油果沙律要推介，黑松露够哂香 啲醋又酸酸甜甜好开胃，重点系个左口鱼边够哂滑又弹牙、好正！然后呢个烧三文鱼皮都要赞下，佢烧得够哂脆又唔油，点埋沙律酱就冇咁热气啦！四款刺身，有三文鱼， 甜虾，带子同埋海胆。刺身厚切， 尚算新鲜，特别系海胆，鲜美浓郁回甘味强，幸福感爆灯。呢款千回火鸟，顾名思义就系鸡翼，烧得香脆可口、外脆里嫩、肉质仲好juicy添🤤呢杯宇治金时，主要系以红豆同绿茶为主，顶层再加上香滑嘅cream、配上浓浓嘅绿茶粉，甜得黎带点苦涩味。青苹果奇异果梳打，清甜得黎带点清新嘅酸味，非常醒胃。芋圆口感烟韧，颜色五彩缤纷。雪糕下面仲有corn flakes，令到成个Dessert既口感更加丰富。