影片
更多
2017-10-09
2391 浏览
中秋節人月倆團圓，又喺時候做節！其實都係揾個藉口去食好嘢!下午先同辣友sss Happy Gathering，接住夜晚就同男友出動搵食！其實我想去元朗食omakase，但諗諗下又真係好貴，都係下次先去試，家姐話lunch平d！男友知我想食日本嘢，佢已經打去附近一間日式磯燒餐廳問，點知無晒位！......諗咗一陣，男友提議去大角咀食意大利菜，佢話呢間餐廳佢想去好耐。打去問咗有位之後，我哋就飛車去嘞！泊好車我哋就行去搵餐廳，喺新九龍廣場過馬路行幾分鐘就到！其實佢個招牌真係唔係好睇到個餐廳名，一嚟佢個草地background 加黑色字唔顯眼，二嚟夜晚黑媽媽，佢打燈打到反晒光，三嚟我發雞盲，哈哈哈！不過，佢下面嘅彩色Menu 又圍住閃閃燈，加埋個花糟仔，就成功吸引我哋望多兩眼就知係佢囉！餐廳名名為"Dr. Panini" ，Panini係指一種由長型麵包整成嘅意式三明治。"de Home Made Kitchen" 好明顯就係自家制啦！餐廳裝修簡單，有少少country style，又有個小小花糟(雖然係假花)，整整齊齊。牆身用咗d酒樽同色彩豐富嘅Menu去點綴門口玻璃仲有d溫馨貼紙圖案！配上
其實我想去元朗食omakase，但諗諗下又真係好貴，都係下次先去試，家姐話lunch平d！男友知我想食日本嘢，佢已經打去附近一間日式磯燒餐廳問，點知無晒位！......諗咗一陣，男友提議去大角咀食意大利菜，佢話呢間餐廳佢想去好耐。打去問咗有位之後，我哋就飛車去嘞！泊好車我哋就行去搵餐廳，喺新九龍廣場過馬路行幾分鐘就到！
其實佢個招牌真係唔係好睇到個餐廳名，一嚟佢個草地background 加黑色字唔顯眼，二嚟夜晚黑媽媽，佢打燈打到反晒光，三嚟我發雞盲，哈哈哈！不過，佢下面嘅彩色Menu 又圍住閃閃燈，加埋個花糟仔，就成功吸引我哋望多兩眼就知係佢囉！
餐廳名名為"Dr. Panini" ，Panini係指一種由長型麵包整成嘅意式三明治。"de Home Made Kitchen" 好明顯就係自家制啦！餐廳裝修簡單，有少少country style，又有個小小花糟(雖然係假花)，整整齊齊。
牆身用咗d酒樽同色彩豐富嘅Menu去點綴
門口玻璃仲有d溫馨貼紙圖案！
配上簡單嘅小吊燈，柔和燈光令人好relax 好舒服。望上去仲有好似賞緊月咁，幾有氣氛，哈哈哈！
呢度嘅菜式真係超級超級超級多，真係估佢唔到！成套Menu 分為幾大類，魚籽醬、特色湯品、沙律、頭盤、Risotto、千層麵、意大利雲吞、手工意粉、Pizza、海鮮飯、扒類，海鮮、蔬菜、芝士火鍋、飲品，仲有多款晚餐推介同廚師推介！！餐廳員工唔多，一入去只見一個waitress，佢先安排好我哋坐低，比咗個Menu我哋自己睇住先。因為時間尚早，眼見只有一枱客，言談間聽得出佢哋係熟客，waitress會幫佢哋推介美食，又會問下佢哋上次食過d乜，今次可以試d乜!好nice!
齋睇Menu我哋都睇咗幾個字，後尾個waitress serve完果枱客就行過嚟，好有禮貌咁問我哋想食咩？！我哋話第一次嚟，佢就好細心咁介紹餐廳嘅食材比我哋聽！
後尾陸陸續續有d 客，有一個人，有一pair人亦有一家6口，大部份都係熟客，d人入到嚟好似返咗屋企咁，同Waitress(多咗個行出嚟)有傾有講，會互相問候下，呢d情景而家呢個社會，買少見少。
法式洋蔥湯
習慣咗食西餐都係要飲一個熱辣辣嘅湯先，我除咗鐘意飲雜菜湯，法式洋蔥湯同龍蝦湯我都鐘意，而creamy嘅忌廉湯我會排最尾。Waitress 見我哋order 咗咁多嘢，擔心我哋會飽到嘔，所以唔建議我哋加酥皮，真係好細心！
咪睇洋蔥湯好似好簡單，起碼要熬兩個半鐘先可以趕走洋蔥嘅辛辣味。喺煮好嘅洋蔥湯上放片麵包，再刨d芝士碎，然後放入焗爐焗到芝士融晒。洋蔥湯入口非常香甜濃郁，麵包吸咗d湯，芝士嘅鹹味同洋蔥湯嘅甜味超夾！
19 浏览
0 赞好
0 留言
3 浏览
0 赞好
0 留言
11 浏览
0 赞好
0 留言
龍蝦湯
傳統龍蝦湯通常都會加咗麵粉同忌廉，令個湯飲起上嚟杰身d同creamy，但呢度嘅龍蝦湯完全係另一回事，可以話係龍蝦清湯，比出面餐廳嘅較稀， 飲多少少都不會覺得膩架！入口有好濃郁嘅蝦味，可惜蝦肉得3、4粒少咗d。
1 浏览
0 赞好
0 留言
2 浏览
0 赞好
0 留言
阿拉斯加蟹肉手工意粉
男友知我鐘意食蟹，佢專登留意有蟹嘅菜式，例如Menu 上有"鹽焗法國羔蟹海鮮飯"，聽落都幾吸引，仲有個"鹽焗西班牙紅蝦蟹柳飯"，不過睇落呢兩款份量都應該好大，同埋waitress話今日法國羔蟹無貨。佢就介紹我哋食"阿拉斯加蟹"，原先Menu 只有"阿拉斯加蟹肉魚籽醬手工意粉或都意大利飯"，但我哋對魚籽醬無乜興趣，所以佢特別幫我哋問咗可以唔要魚籽醬。
佢亦推介試下呢度嘅手工意粉，唔係一般喺市面上買到嘅現成乾麵條，而係冇加防腐劑，冇脫水製成一個個小麵球，需要定時空運嚟香港。男友話，手工意粉嘅價格同脫水乾意粉相比，大約係相差8倍！
意粉不但新鮮，煮到啱啱熟透又唔會太過軟身，煙煙韌韌，有淡淡蛋香味。加入咗三色彩椒、香草同蕃茄等食材，令味道同口感加倍出色。
1 浏览
0 赞好
0 留言
1 浏览
0 赞好
0 留言
1 浏览
0 赞好
0 留言
白蘭地脆燒鵪鶉脾
鵪鶉的營養價值比一般家禽更豐富，低熱量、低膽固醇、低脂同高蛋白質，唔添加生長激素。鵪鶉脾口感係全隻鵪鶉之中最幼嫩嘅部份, 沾上少少粉漿脆炸，再淋上點著火嘅白蘭地，即時係我哋面前燒咗幾秒~香氣撲鼻！
上面有d炒過嘅洋蔥粒+彩椒粒，但鵪鶉脾比白蘭地淋過後，外表有d淋，食落無之前聞到味咁好，好似差緊少少，而下面嘅薯蓉帶少少酒嘅苦甘味，不過整體嚟講都係可以一試嘅！
10 浏览
0 赞好
0 留言
1 浏览
0 赞好
0 留言
1 浏览
0 赞好
0 留言
由於我唔食牛，所以男友多數會就我揀豬！佢唯有下次先再試呢度d牛啦！Waitress 推介咗"豬T骨"，係你無睇錯！真係"豬T骨"~~我第一次聽豬有T骨！其實我對呢d扒類無乜研究，但男友之前工作係同呢d有關，所以佢好熟識。從佢同Waitress 嘅對話得知，原來T骨左右兩邊嘅肉質係唔同架！咁一於要試下！
4 浏览
0 赞好
0 留言
5 浏览
0 赞好
0 留言
6 浏览
0 赞好
0 留言
意大利血橙梳打
Santa Vittoria Blood Orange Soda 用咗新鮮嘅意大利西西里血橙製成，入口清甜冇一般橙汁嘅酸味，感覺好清新。
血橙屬於西柚紅葡萄柚同橙子嫁接品種，營養價值比一般橙高好多。之所以稱之為血橙，係因為佢裏面d果肉顏色全部都係紅色，睇起嚟好似血咁，所以先會被稱為血橙。
5 浏览
0 赞好
0 留言
微酸帶甜，入囗每啖都有柚子肉，有少少柚子特有嘅苦澀味，飲多幾啖個口咬到有d攰，哈哈!
5 浏览
0 赞好
0 留言
Movenpick 士多啤梨同楓糖核桃
4 浏览
0 赞好
0 留言
张贴
