和三昧

营业中

休息中

适逢中秋，一家人一起去和三味吃铁板烧，因为人多，所以特登预订房间。因为样样都想试吓，所以大家拎住餐牌就乜都想order,又鲍鱼又龙虾又刺身拼盘，唔知份量大小，所以每款都想要几份，侍应听到都担心我哋食唔晒，主动帮我地谂下叫几多，好彩侍应经验丰富，如果唔系就浪费了！刺身拼盘十分新鲜，尤其是系拖罗！ 十分美味！我们另外叫了一客鹅肝，外脆内嫩真系好香好滑！极度邪恶！澳洲鲍鱼超级新鲜生猛又大只，铁板烧完都仲系好软熟！大虾同蟹脚都好弹牙美味！龙虾好新鲜，铁板烧紧果阵佢仲识郁，师傅用龙虾糕煮啲龙虾肉，真系十分鲜甜，爽口弹牙！一试难忘！龙虾头顺道拎去煲汤，不浪费！牛肉我们分别点了美国，澳洲，及日本和牛，分别是厚切及薄烧，唔同地方的牛肉真系有唔同味道唔同口感，一次过试晒分别十分明显！师傅烧得刚刚好！正！清酒煮蚬，玩火～哈哈！蚬十分大只肥美！必试！因为我好钟意食鳗鱼，特意在order铁板烧鳗鱼！师傅烧得好出色！鳗鱼皮烧到好似薯片咁薄咁脆！好好味！不过同平时食鳗鱼饭有啲唔同，铁板烧会比较干身。