逸豪軒

营业中

休息中

中秋节一家十口食饭，有老有嫩梗系食酒楼，而家喺中式酒楼食一围闲闲地过四千，今晚食呢间系屋企楼下东亚商场里面嘅街坊酒楼，中秋酒席有三款：三千几，四千几，五千几，我哋拣咗四千几餐，12位包两揸鲜橙汁，一支红酒，茶介加一，唔饮红酒可以换两支森宝啤酒。菜色质素系稳定的，合老人家口味，条石斑成两斤几重好大条，初时惊佢啲肉会鞋，点知食落又几嫩滑鲜美。鲍鱼12只，只只都好大下，爽口弹牙。十人食12位餐真系食唔晒，一大笼巨型寿包攞返去打包做早餐。呢间酒楼饮茶就饮得多，晚宴系第一次，整体不错，荃湾大窝口街坊可以一试。