南小館 (已結業)

家的味道普通便饭2018/10/16已经系第二次黎依到食饭，晚上餐厅人唔多，唔洗等位，因为同朋友约咗去The One睇戏，所以再次黎南小馆晚饭。今次坐系较入嘅位置，近落地玻璃嘅枱已经全部比人留哂位。入到去坐待应即时拎出小点。腌花生同菜圃，有啲咸，但都几开胃。第一个小食上菜，酸酸甜甜嘅糖醋骨，有点偏酸，好似排骨嘅部位，但冇咩肥肉，肉质唔特别靓，都算可口开胃。第二道小食，鸡丝粉皮，朋友话有啲太简单，唔系好抵食，味道方面，就系芝麻酱味。黎到今餐嘅主食，黑松露炒饭，黑松露味特出，有虾粒在内，朋友们好中意，我个人觉得有啲普通。饺子香脆多汁，网纹系比大家打卡，食落都系脆口，但冇咩特别，普通菜式，但卖得有点贵，系屋企整较化算，系比人睇嘅菜式。蒜蓉味重，有打芡咸香浓味，但感觉比较多汁。总括而言，系尖沙咀地段依个价有屋企便饭嘅质素算难得，埋单三人每人约100蚊。