和牛燒肉一郎 (寶漢大廈) (已結業)

用App点餐，上餐速度都快手 ，唔会因为放题就拉布。但个炉系略细，两个人share一炉会食100分钟会少少赶。牛里脊肉油脂唔会好多，有牛味，因为唔会好薄身，咬落好有口感。牛肋肉大块过手掌，差唔多cover哂佢个炉，但系薄到纸咁，好难烧到有焦香感。厚切同薄切牛舌都相当优秀，牛舌棒就食落怪怪地，烧要烧六面都需要啲心机。大部分牛都系走瘦得嚟但唔会觉得好干嘅路线，食完唔会好腻。所有牛都会俾你拣盐味同味噌，但讲真真系食唔出…鸡肉个白草汁唔错，鸡肉都滑。海鲜方面扇贝烧起真系好细粒，唔计内脏应该直径得2 cm， 鱿鱼…嗯…细细粒都几得意…我相信如果食贵Set海鲜就会相对多样化同好少少。小食方面算不过不失，我食咗薯条同肠仔但应该无人想知佢地嘅事，个和牛肉燥可以配少少饭试下，系好食。嘢饮就都系普通汽水/冬瓜茶/茶，甜品有明治雪条。总结系适合唔钟意太肥腻的人，佢主打嘅牛以咁嘅价钱系交足功课，其他海鲜小食饮品就当系点缀下不必太认真，算系不过不失。