鳳城1954 (MegaBox)

营业中

休息中

凤城1954(Megabox)之前已经来过几次，觉得食物质素非常高，所以今日同屋企人再来光顾。环境不错，枱同枱之间唔会太迫，四个人或以下坐窗边卡位，望下风景更好。金皮炸子鸡每次必食，十级推介，好味到震！鸡皮炸得香脆，肉质鲜嫩，一d都唔干，重食到鸡油同肉汁，个个争住食。1954虾多士虾胶弹牙，多士松脆，不过油多左少少。金砖豆腐真正做到外脆内软，外皮香脆，豆腐滑，加埋调味粉，令人想一食再食。金光炸粉果原来配汤食，都几特别，外皮脆，咬落去粉果烟韧，饀就略淡。福建炒饭蛋炒饭底香，d饭粒粒分明，用料丰富，汁多，味道一流。