東園酒家宴會廳 (已結業)

平时西餐食得多，今次食下中菜。呢间位于湾仔既东园酒家几就脚，系湾仔地铁站修顿球场对面，好易揾。一入到去有姐姐指示上去二楼，平日既晚饭时间都坐满晒人，仲见到有好几枱外国人添！枱同枱之间坐得几阔落，几舒服！我地两个人叫咗三个𩠌一碗白饭，榄角骨，福建笼仔蒸豆腐，南乳粗斋煲。榄角骨，酸酸甜甜，好入味！外面应该有炸过，但系唔会好厚粉又唔会好油腻，做𩠌一流！福建笼仔蒸豆腐，用荷叶蒸所以好大阵荷叶味，好香！豆腐都好滑，加埋平时食福建炒饭啲料，成个感觉又几特别。南乳粗斋煲，有好香既南乳味，但系阵味又唔会太抢。加埋啲菜，豆芽，豆卜，粉丝，成个煲感觉好健康。成餐饭总概系几满意，服务员态度都好好。