勝記酒家 (已結業)

一入到餐厅就有好好客嘅公关招待，好开心！我哋几个人乜都食啲，最近冬天一定要补下润下。杏汁炖白肺$388估唔到个份量咁大，里面有好多猪肺，出面买猪肺都好贵，佢整到好林，好食过牛肺。而且里面都会有其他猪肉、鸡脚等等嘅材料，都真系几吸引。杏汁味道好香，但系又唔会太过浓郁，抢去其他鲜味。分量至少饮到10碗左右，好多人饮都可以。胜记即烧乳猪 1/4只 $193基本上嚟到呢度一定要食即烧乳猪，啲乳猪皮好香脆，除咗酱汁之外仲有面包配搭，有少少似片皮鸭。喺其他地方都未食过咁香脆！干烧伊面＄88伊面份量好鬼大，至少都够四个人食，虽然干身但系唔会干争争，啲伊面都几香！不过都要留意番茶位＄9 ,酸菜＄4一位，依啲系一定要嘅消费。